Alemanha

Aqueste article qu'es redigit en gascon.

Alemanha en Euròpa.

Drapèu alemand.

Alemanha, oficialament la Republica Federau d'Alemanha (en alemand : Deutschland e Bundesrepublik Deutschland) qu'es un país d'Euròpa Occidentau.

Sa capitala e sa vila mei granda qu'es Berlin, sa lenga oficiau qu'es l'alemand, sa devisa nacionau qu'es « Einigkeit und Recht und Freiheit » (« Unitat e dret e libertat ») e son imne qu'es Das Lied der Deutschen (Lo Cant de Alemands).

Alemanha qu'es la prumèra poténcia economica d'Euròpa.

Geografia

Alemanha qu'es bordada per duas mars au nòrd (la Mar del Nòrd e la Mar Baltica) e qu'es limitròfa a nau país : Danemarc, Polonha, Chequia, Austria, Soïssa, França, Luxemborg, Belgica e los País Baishs.

Istoria

Alemanha qu'es unificada en 1870 per la Prússia del cancelèr Otto von Bismarck. Abans aquesta hèita, Alemanha qu'èra talhucada en un sarròt d'estats.

Aquest Empèri alemand qu'es vinçut au temps de la Prumèra Guèrra mondiala en 1918.

Après la Prumèra Guèrra mondiala, la novèla republica alemanda qu'es tocada per una crisi economica e en 1933 lo Partit Nacionau-Socialista de Tribalhaires Alemands que pren lo poder dab Adolf Hitler. Enter 1939 e 1945, l'Alemanha nazi que participa a la Segunda Guèrra mondiala.

Après sa des·hèita en 1945, Alemanha qu'es dividida e aucupada per França, lo Reiaume Unit, los Estats-Units e l'URSS. La Republica Federala d'Alemanha qu'es creada en 1949 e s'unida dab la RDA en 1990.

Demografia

Alemanha qu'es poblada per mei de 83 milions de personas en 2022, qu'es donc lo país mei poblat de l'Union Europèa.

Las vilas principalas que son Berlin (3,6 milions d'abitants), Hamborg (1,8 milion), Munic (1,4 milion), Colonha (1 milion) e Francfòrt-sul-Main (750 000).

Lengas

La lenga oficiala d'Alemanha qu'es l'alemand mes d'autas lengas que son parladas com lo frison.

Religions

Alemanha qu'es un país crestian. Lo nòrd qu'es majoritàriament luterian mes lo sud qu'es majoritàriament catolic.