J. R. R. Tolkien

Un article de Vikidia.
Salta a la navegació Salta a la cerca

Aqueste article es redigit en lengadocian.

J. R. R. Tolkien, 1940s.jpg

John Ronald Reuel Tolkien, mai conegut jol nom J. R. R. Tolkien, es un escrivan anglés, autor, entre autres, del Senhor dels Anèls. Nasquèt en Africa del Sud en 1892, e moriguèt en 1973 a Bournemouth (Reialme-Unit).

Biografia[modificar | modificar la font]

Nasquèt a Bloemfontein, en Africa del Sud alara colonia britanica. La siá familha quitèt l’Africa del Sud en 1895. Son paire moriguèt en 1896 e sa maire en 1904. Vengut orfanèl, foguèt elevat per d’autres sòcis de la siá familha e per un curat catolic, amic de sa maire. Comencèt d’escriure e d’inventar de mondes imaginaris tre l’enfància.

Participèt a la Primièra Guèrra mondiala. Lo mandèron en França en 1916, mas s’amalautiguèt e foguèt rapatriat en Anglatèrra. Comencèt alara a escriure de contes. Aprèp la guèrra, venguèt professor d’universitat, a Leeds, puèi, a partir de 1925, a Oxford. Ensenhava l’anglés ancian, e la lenga e la literatura anglesa. Èra apassionat de lengas ancianas germanicas, nordicas e anglo-saxonas.

Sa vida tota, Tolkien escriguèt de poesia, de contes, de novèlas e d’ensages literaris. En 1937, coneguèt un primièr succès amb lo roman Bilbon lo Hòbbit. Son editor li demandèt una seguida. Lo Senhor dels Anèls pareguèt quatòrze ans mai tard, en 1954-1955. J. R. R. Tolkien se retirèt en 1959 e moriguèt en 1973 a Bournemouth (Anglatèrra). Es considerat coma un dels autors màgers de fantasy (lo meravelhós anglo-saxon).

Bibliografia[modificar | modificar la font]

L'ostal de Bilbon Saquet, Hobbiton Movie Set, Matamata, Nòva Zelanda 2013

Una sola òbra de Tolkien foguèt revirada a l'occitan pel moment.

Bilbon Lo Hòbbit (o un anar tornar), J. R. R. Tolkien, 1937, traduccion Sèrgi Viaule, correccions Eric Chaplain, Editions des Régionalismes, 2018

Las autras òbras de J. R. R. Tolkien en anglés (lenga originala de l'òbra) :

  • 1945 "Leaf by Niggle" (novèla)
  • 1945 The Lay of Aotrou and Itroun (poema)
  • 1949 Farmer Giles of Ham (faula)
  • 1953 The Homecoming of Beorhtnoth Beorhthelm's Son (pèça de teatre)
  • The Lord of the Rings ("Lo Senhor dels Anèls")
    • 1954 The Fellowship of the Ring: lo primièr volum de The Lord of the Rings, ISBN 0-618-00222-7 (HM).
    • 1954 The Two Towers: lo segon volum de The Lord of the Rings, ISBN 0-618-00223-5 (HM).
    • 1955 The Return of the King: lo tresen e darrièr volum de The Lord of the Rings, ISBN 0-618-00224-3 (HM).
  • 1962 The Adventures of Tom Bombadil and Other Verses from the Red Book
  • 1964 Tree and Leaf
  • 1966 The Tolkien Reader
  • 1967 The Road Goes Ever On, amb Donald Swann
  • 1967 Smith of Wootton Major (novèla)