Acuèlh
Crawlergo= Planvenguts a Vikidia ! =
Vikidia, qu’es aquò ?[modificar | modificar la font]
Vikidia es un projècte enciclopedic en linha destinat als 8-13 ans coma lectors mas tanben coma participants. Lo site foguèt lançat en novembre de 2006.
En qualques punts :
- Vikidia es un enciclopèdia en linha, liura e participativa pels 8-13 ans.
- Cadun, dròlles, collegians, liceans, estudiants, ensenhaires, autres adultes, la pòdon melhorar (aitant plan los articles coma la siá organizacion, lo seu look, etc.).
D’ont mai i aurà de participants, d’ont mai Vikidia vendrà un super site que ofresirà fòrça bonas informacions.
- Çò qu’es escrich pòt èsser legit per tot lo monde, Vikidia es facha pels seus lectors.
- Podètz ajustar d’informacions sus Vikidia al cors d’un trabalh organizat en classa o a l'ostal quand o volètz, mas tanben agachar lo trabalh dels autres e daissar de messatges als participants.
Per de qué far ?[modificar | modificar la font]
Internet es utile per trapar d’informacions e ne comunicar. Aquí, cadun pòt participar a la construccion e a la melhoracion del site, ajustar de fotografias e aprene pichon a pichon a se servir d’utisses a la man dels participants.
Se pòt utilizar Vikidia per preparar los devers o los expausats, mas tanben per trapar d’informacions sus totas menas de subjèctes per son informacion personala e pel plaser. En ajustant d’informacions, n’aprenèm encara mai.
Vikidia es pas jamais acabada ! Demòra totjorn a far : melhorar, corregir, apondre d’informacions o d’articles novèls… Es aital que lo siti se melhora !
Vikidia en occitan[modificar | modificar la font]
L'occitan, coma totas las autras lengas del monde, pòt servir a quèrre e donar d'informacions, a se cultivar e a partetjar sas coneissenças. Pasmens, coma l'occitan es una lenga dialectala que coneis pas d'estandard unic, pensam que pòt èsser utile e mai clar pels lectors d'anonciar en debuta d'article lo dialecte utilizat dins l'article aital :
"Aqueste article es redigit en ... (gascon, provençau, lemosin, auvernhat, vivaro-alpin, niçard o lengadocian).
De mai, per evitar la confusion dins la lectura, sembla important de conservar lo meteis dialecte dins l'article, e mai per las correccions e los apondis.
Çaquelà, aquò es pas una obligacion, mas una proposicion. Existís una version de Vikidia en francés, en espanhòl, en italian, en rus, en anglés, en catalan, en alemand, en basc, en sicilian, en grèc e en armenian.